اشاعتیں

2012 سے پوسٹس دکھائی جا رہی ہیں

"اوامر و نواہی" شائع ہوگئی

کراچی: پیغام قرآن ڈاٹ کام کے مدیر اعلیٰ اور قرآن و حدیث کی موضوعاتی درجہ بندی پر مبنی مقبول عام کتاب "پیغام قرآن و حدیث" کے مؤلف یوسف ثانی کی نئی تالیف "اوامر و نواہی" شائع ہوگئی ہے جو ترتیب وار قرآن مجید کی تمام سورتوں اور صحاح ستہ کے تمام کتب سے ماخوذ ہے۔ واضح رہے کہ پیغام ٖقرآن ڈاٹ کام اردو، سندھی اور انگریزی میں قرآن و حدیث کے پیغام کو عام فہم انداز میں شائع کرکےمخیر حضرات کے تعاون سے عوام و خواص میں مفت تقسیم کرنے کا فریضہ انجام دیتا ہے۔

پیغام حدیث-1 کتاب بدء الوحی تا کتاب صدقۃ الفطر

تصویر
۱۔ کتاب بدء الوحی (آغازِ وحی)
۱۔ اعمال کا دارومدار نیت پر ہے:

خلیفۂ راشد سیدنا عمر بن خطابؓ نے رسول اکرمﷺ کو یہ فرماتے سنا کہ تمام اعمال کا دارومدار نیت پر ہے اور عمل کا نتیجہ ہر انسان کو اس کی نیت کے مطابق ہی ملے گا۔ پس جس کی ہجرت دولتِ دنیا حاصل کرنے کے لیے ہو یا کسی عورت سے شادی کی غرض سے ہو، پس اُس کی ہجرت انہی چیزوں کے لیے شمار ہو گی جن کو حاصل کرنے کے لیے اُس نے ہجرت کی ہے۔

۲۔ حضورﷺ پر وحی کس طرح آتی تھی؟

اُمُّ المومنین عائشہ صدیقہؓ سے روایت ہے کہ حارث بن ہشام کے پوچھنے پر رسول اﷲﷺ نے فرمایا کہ کبھی تو میرے پاس گھنٹی کی آواز کی طرح کی آواز آتی ہے،جو مجھ پر زیادہ دشوار ہے۔ جب فرشتے کی کہی بات کو اخذ کر چکتا ہوں تو یہ حالت مجھ سے دور ہو جاتی ہے۔کبھی فرشتہ میرے سامنے آدمی کی صورت میں آتا ہے اور مجھ سے کلام کرتا ہے تو جو کچھ وہ کہتا ہے اس کو میں حفظ کر لیتا ہوں۔ حضرت عائشہؓ کہتی ہیں کہ میں نے سخت سردی والے دن آپﷺ پر وحی اترتے ہوئے دیکھی۔جس کے بعد آپﷺ کی پیشانی سے پسینہ بہنے لگتا تھا۔

۳۔ وحی کا آغاز اچھے خواب سے ہوا:

اُمُّ المومنین حضرت عائشہؓ کہتی ہیں کہ سب سے پہلی وحی جو رسول …